الإجابة بوضوح أه ، فيه فلوس كتير ومن مصادر مختلفة لكن مفيش فلوس سهلة ، في فلوس مقابل عمل .
- تقدر تعمل فلوس بمجرد تصفح الإنترنت ومشاهدات فيديوهات لكن المقابل المادي ضعيف جدا يعني ممكن تقعد ساعات وفي الأخر تلاقي رصيدك 2 سنت يعني محتاج خمسين يوم تعمل دولار.
- ممكن تأخذ مقابل يصل لنصف دولار مقابل المشاركة في استبيان لكن الموضوع مش زي ما أنت متخيل استبيان من أبو كم سؤال صح وغلط واختار ، لا حضرتك دا هياخد على الأقل نصف ساعة
- الشغل اللي بجد لو تقدر تعمل تسويق لمنتج الكتروني ، لان بعض المواقع بتدفع عمولة كويسة وانت مش مطلوب منك اكتر من الناس تدخل الموقع من الرابط المخصص لك بعض المنتجات ممكن تدفع لك 100 و 200 دولار في البيعة الواحدة ودا اسمه affiliate marketing ودا بياخد شكلين
o الشكل الأول برنامج شامل بيكون فيه منتجات مختلفة وانت تعتبر مسوق عبر الوكالة لكل المنتجات دي زي https://www.clickbank.com بس للأسف الاشتراك فيها لم يعد سهلا زي الأول واصبح في صعوبة في الموضوع.
o الشكل الثاني انك تسوق مباشرة لاي موقع على الانترنت من اول على بابا لغاية فيفر ، هتدخل الموقع وتدور على كلمة affiliate وتكمل الإجراءات.
- لو انت شاطر في اي شغل اعمل حساب على مواقع العمل الحر زي فيفر وخمسات
- لو انت صاحب موهبة ولك في التصور في مواقع بتعرض صورك للبيع زي https://www.eyeem.com
- ولو الصور بتاعتك تصميمات ينفع تطبع على تيشيرتات ينتفع تعرضها لمنصات وكل ما حد يشتري تيشيرت من تصميمك تاخد فلوس زي مثلا
- لو تعرف تدرس اعمل محتوى وارفعه على https://www.udemy.com وكل ما طالب يسجل لك فلوس
- قنوات اليوتيوب محتاجة صبر ومحتوى علشان توصل للجمهور.
- لو عندك مدونة اوموقع اربطه مع google adsense
- مش لازم فيديو لو حابب تعمل podcast على الموقع الأشهر https://soundcloud.com
- أي حاجة من الحاجات اللي عبارة عن انتاج شخصي زي الصور والفيديو الصوت ابحث لها عن ممول ، في قنوات يوتيوب كثيرة قائمة على الدعم من ممول
- ال review وجماله ، لو تقدر تعمل تقرير عن منتجات خصوصا الموبايلات هتلاقي فرصة كويسة للانتشار وللتمويل.
جميع المواقع المذكورة مجرد امثلة .. دور هتلاقي اكثر
ليست هناك تعليقات:
إرسال تعليق